ELIMU YA LISHE BORA KWA WATOTO WALIOCHINI YA MIAKA MITANO

Zilizopandishwa: June 21st, 2023

MAADHIMISHO YA SIKU YA AFYA YA LISHE YA MTAA WA BUPANDAGILA
 

Katika kuhakikisha tatizo la udumavu kwa watoto waliochini ya miaka mitano
linaondoka divisheni ya lishe Halmashauri ya Mji Bariadi imeendelea na zoezi la utolewaji
wa elimu ya lishe bora kwa wananchi ili kusaidia katika ukuaji wa mtoto kiakili na kimwili kufuatia uzingatiaji
namna bora ya kuandaa lishe bora ya mtoto kwa kujumuisha makundi matano muhimu ya vyakula  yanayohitajika.

Afisa Lishe Halmashauri ya Mji Baraidi Bi.Fatuma Kombo amewataka wazazi kuhakikisha wanazingatia
na kufuatilia afya ya mtoto kila mara ili kuwa na uhakika wa namna ya ukuaji wake huku akiwataka
wazazi kuhakikisha wanazingatia makundi yote matano wakati wa kuandaa chakula cha mtoto kwani makundi
yote hayo yana umuhimu mkubwa katika ukuaji wa mtoto.

Awali akitoa elimu ya maandalizi ya kuchanganya makundi yote matano kwenye chakula cha mtoto
Afisa Muuguzi wa Halmashauri ya Mji Bariadi Bi.Yustina Feya amesema ili mtoto aweze kukua
vizuri ni vema kuzingatia makundi ya chakula anayopatiwa mtoto kwani kutozingatia lishe ya
 mtoto inasababisha udumavu na kuwa na mtoto asiyekuwa na afya bora na kupelekea ukuaji wake kuwa wa kusuasua .
Mtaa wa Bupandagila na gisadi kata ya nyakabindi imeadhimisha siku ya  afya ya lishe kwa kupatiwa
 elimu sahihi ya namna bora ya kuandaa lishe ya mtoto na umuhimu wa kuzingatia lishe hiyo katika
 ukuaji wa mtoto ambapo katika maadhimisho hayo shughuli mbalimbali zimefanyika ikiwemo utolewaji
wa elimu sahihi ya lishe pamoja na utolewaji na huduma mbalimbali kwa watoto ikiwemo huduma ya upimaji
uzito,kupima mzunguko wa kati wa sehemu ya juu ya mkono kwa kutumia MUAC  Tape,utolewaji wa matone ya
vitamin A na chanjo .

MWISHO.