ONGEZENI KASI KWENYE KUONYESHA MIRADI ILIYOFANYIKA

Zilizopandishwa: February 7th, 2025

Afisa Usimamizi Fedha Mwandamizi Kutoka Ofisi ya Mkuu wa Mkoa wa Simiyu Charles Kilapilo amekielekeza kitengo cha Mawasiliano na Habari Serikalini kuhakikisha wanaongeza kazi ya utoaji habari ikiwemo kuchapisha kazi Za miradi mbalimbali iliyotekelezwa na serikali ili wananchi waweze kuona kazi hizo zilizofanyika kwani wao ndio wanufaika namba moja na miradi hiyo ambayo imeletewa fedha na serikali .

Aidha Kilapilo amezitaka pia  taasisi Za serikali na wakuu wa idara na divisheni kuhakikisha wanahudhuria vikao vya mabaraza ya Madiwani kikamilifu  na kuwasilisha taarifa mapema.

Hatahivyo Kilapilo amepongeza mapendekezo ya Rasimu ya Mpango na Bajeti kwa Mwaka wa fedha 2025/2026 kuwa imezingatia mambo muhimu ikiwemo ilanı ya Chama cha Mapinduzi  huku akitaka kuongeza mikakati ya kuthibiti na ukusanyaji wa mapato ili Bajeti hiyo iweze kutekelezeka na kuleta manufaa kwa wananchi zaidi kwa kupeleka miradi yenye kipaumbele chao.

Kilapilo ameyasema hayo wakati wa mkutano wa Baraza la Madiwani Halmashauri ya Mji Bariadi cha kupitisha Mapemdekezo ya Rasimu ya Mpango na Bajeti kwa Mwaka wa Fedha 2025/2026 ambayo imepitishwa na baraza hilo leo Februari 7,2025