ONGEZENI UMAKINI NA MIKAKATI KWENYE UKUSANYAJI WA MAPATO

Zilizopandishwa: February 7th, 2025

Mkuu wa Wilaya ya Bariadi Mheshimiwa Simon Simalenga ameitaka Halmashauri ya Mji Bariadi kuongeza umakini kwenye ukusanyaji wa mapato huku kukiwepo na mikakati thabiti ya namna bora ya ukusanyaji mapato.

Mheshimiwa Simalenga ameagiza Halmashauri ya Mji Bariadi kutenga bajeti kwa ajili ya ununuzi wa vitendea kazi ikiwemo magari ili kurahisisha shughuli ya ukusanyaji mapato huku akitaka bajeti iendane na mahitaji ya wananchi.

Aidha ameagiza kuweka udhibiti na kuongeza umakini kwenye zao la pamba na mbegu za pamba kwa kutaka uwepo na ushirikiano ili kudhibiti ubadhilifu wowote unaoweza jitokeza.

Ameyasema hayo leo wakati wa Mkutano wa Baraza la Madiwani la kupitisha Mapendekezo ya Rasimu ya Mpango na Bajeti kwa Mwaka wa fedha 2025/2026 katika Halmashauri ya Mji Bariadi

Kitengo Cha Mawasiliano Serikalini 

Halmashauri ya Mji Bariadi